21-vjeçari anglez luan si sulmues i majtë. Ai numëron 4 ndeshje dhe 3 gola me Anglinë U21, dhe pëlqehet shumë nga Thomas Tuchel. Oferta e fundit e Chelsea për kartonin e tij përfshin edhe Armando Brojën.
“Blutë e Londrës” janë gati të paguajnë 25 milionë paund + shërbimet e sulmuesit të kombëtares shqiptare dhe Conor Gallagher, mesfushorit 22-vjeçar, për të mbërritur te Gordon, në një operacion që shkon në 85 milionë paund në total.
Broja është një nga të preferuarit e Frank Lampard. Ky i fundit ishte në stolin e Chelsea kur 20-vjeçari nga Malësia e Madhe debutoi në Premier League me ekipin londinez (26 shkurt 2020).
