Dy persona janë kallëzuar të zhdukur në policinë e Tiranës.
Burime zyrtare nga blutë bënë me dije se një ditë më parë është denoncuar i zhdukur një i moshuar, ndërsa sot një 28-vjeçare.
Të dy, sipas të njëjtave burime, kanë probleme me shëndetin mendor.
“Më datë 23.08.2022, ka bërë kallëzim shtetasja V.B. se është larguar nga banesa dhe nuk është kthyer më, vajza e saj, shtetasja S.S., 28 vjeçe, e cila, sipas deklarimeve të shtetases V.B., vuan nga probleme të shëndetit mendor. Po punohet për gjetjen e saj”, njofton policia e Tiranës për njërin nga rastet.
“Më datë 22.08.2022, ka bërë kallëzim shtetasi D.A. se është larguar nga banesa dhe nuk është kthyer më, babai i tij, shtetasi I. A., 73 vjeç, i cili, sipas deklarimeve të shtetasit D.A., vuan nga probleme të shëndetit mendor. Po punohet për gjetjen e tij”, njoftohet për rastin tjetër.
