Bordi i krijuar me vendim qeverie ka caktuar çmimet e reja për karburantet.
Duke nisur nga kjo e mërkurë, nafta do të shitet në pompa 227 lekë/litri nga 221 lekë që shitej deri tani. Benzina – 201 lekë për litër. Ndërsa gazi i lëngshëm 78 lekë për litër.
Çmimet e caktuara nga Bordi do të hynë në fuqi sot datë 17 Gusht ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen çmimet e reja.
Rritja e çmimeve vjen në një kohë kur çmimet e naftës në bursat ndërkombëtare kanë shënuar një rënie të shpejtë javën e fundit, duke zbritur në nivelet e paraluftës,
Më herët gjatë ditës, nga opozita është kërkuar heqja e taksave mbi naftën me qëllim uljen e çmimit. Kërkesa është artikuluar edhe më herët, madje janë zhvilluar edhe disa protesta për çmimet e larta, megjithatë kryeministri Edi Rama ka mohuar në mënyrje kategorike prekjen e taksave mbi naftën.
