Deputetja Monika Kryemadhi, përmes një postimi në rrjetet sociale, akuzon Kryebashkiakun Erion Veliaj, se e ka kthyer Tiranën, në kryeqytetin e korrupsionit, që zbraset përdotë, duke i lënë trashëgimi vetëm betonin e pastrimit të parave të pista.
Kryemadhi thotë se Veliaj është avokat i inceneratorëve, që kujdeset e merakoset vetëm për kullat e oligarkëve dhe koncensionet.
“Ndaj në të ardhmen e afërt, është jetike të zgjedhim drejtues që i kthejnë fjalët në vepra, jo gënjeshtar pa fytyrë që e thyejnë besimin dhënë nga votuesit”, shkruan Kryemadhi.
Postimi nga Monika Kryemadhi
Vetëm “avokat i inceneratorëve” Erion Veliaj që firmos, kujdeset e merakoset vetëm për koncesionet dhe kullat e oligarkëve, mund ta kthente Tiranën nga kryeqyteti, që gumëzhinte nga energjia e brezit të ri, në kryeqytetin e korrupsionit, që zbraset përditë, duke i lënë trashëgimi vetëm betonin e pastrimit të parave të pista.
Ndaj në të ardhmen e afërt, është jetike të zgjedhim drejtues që i kthejnë fjalët në vepra, jo gënjeshtar pa fytyrë që e thyejnë besimin dhënë nga votuesit.
Ju ftoj të gjithëve, sidomos qytetarëve taksapagues në Tiranë, të lexoni këtë artikull të gazetarit të mirënjohur Andi Bushati, që radhit fakte të trishta, për drejtimin e gabuar ku po zhytet kryeqyteti i shqiptarëve.
