Një personazh i njohur televiziv është aksidentuar me makinë në parkingun pranë gjykatës së Apelit në Athinë.
Mediat greke bëjnë me dije se në aksident është përfshirë një 33-vjeçar, ish-konkurrent i “Greek Idol” në Greqi.
Policia i gjeti 1.2 milionë euro kesh, si dhe sasi të mëdha kokaine, kanabis dhe droga të tjera, në makinën që u aksidentua të shtunën në mëngjes.
300,000 euro të tjera u gjetën më pas në një kontroll që u krye në shtëpinë e të riut.
Në total, policia sekuestroi 1,513,555 euro dhe 336 dollarë, 275 gr kokainë, 495,5 gr kanabis të përpunuar dhe 0,7 gr kanabis të papërpunuar, 131 tableta ekstazi, 3 tableta medicinale, një makinë, një pistoletë dhe 4 celularë.
