Kryetari i PD-së Sali Berisha, ka publikuar sot pamjet e trishta të plazhit bosh në Drimadhë, që nxjerr në dritë një realitet krejt tjetër nga ai që publikon çdo mëngjes Kryeministri Edi Rama në rrjetet sociale për vërshim turistësh në Shqipëri, nga bregdeti i jugut deri në Alpe.
Berisha, me një filmim prej 15 sekondash, ka rrëzuar propagandën mashtruese të muajve të fundit: “Ky është organizimi i përsosur i turizmit të Edi Ramës. Drimadha sot, në ora 9:12 min, masivisht bosh. Udhëtimi nga Tirana në Drimadhë, 120 mijë lekë naftë!” ka nënvizuar më tej kreu demokrat.
