Reshje të dendura shiu dhe breshëri kanë filluar në kryeqytet, po ashtu edhe shkarkesa të shumta elektrike.
Reshjet e dendura të shiut dhe breshërit kanë bërë që uji të vërshojë në rrugë duke e bërë të vështirë kalimin e mjeteve dhe këmbësorëve, siç shihet edhe në videon e mëposhtme në Mysylm Shyr, një nga zonat me lëvizjen më të madhe në Tiranë.
Sinoptikanët kanë parashikuar një mot të paqëndrueshëm për të paktën tre ditët në vijim.
Temperaturat e ajrit do të vijojnë të ulen në mëngjes dhe në mesditë duke luhatur vlerat ditore nga 10°C deri në 32°C.
Era do të fryjë mesatarisht në det me shpejtësi 30 km/h nga drejtimi Perëndimor duke krijuar në brigjet detare dallgëzim 2 ballë.
