Gazetari Genc Burimi ka analizuar situatën politike gjatë ditëve të fundit duke theksuar se qeveria e Edi Ramës gjendet midis 3 zjarreve. Sipas Burimit, rreziku më i madh që i kanoset qeverisë së Ramës është dosja e inceneratorëve ku janë vjedhur mbi 400 milionë euro dhe një koktej molotovi, që sipas tij përbëhet nga korrupsioni dhe inflacioni në rritje.
Nisur nga vizita e kreut të SPAK Arben Kraja në SHBA, analisti nënvizoi se Kryeprokurori mund t’i ketë paraqitur amerikanëve “gjëra shumë të rënda”, që mund të çojnë para drejtësisë edhe Edi Ramën.
Por, po sipas tij, amerikanët sot nuk kanë një xhoker në politikën shqiptare për t’i dhënë kompetencat për drejtimin e vendit, ndërsa shtoi se nuk është se e simpatizojnë fort Ramën.
ANALIZA E GENC BURIMIT
Qeveria është në një pozitë, ka para saj edhe dy vite e ca mandat. Domethënë që normalisht në një rend kushtetues normal, një vend që aspiron të integrohet në BE duket pak e besueshme që qeveria të bjerë. Kjo qeveri ndodhet nën tri zjarre. Ndodhet nën zjarrin ekonomi se financat ndodhen ky thërret kiameti.
Zjarri tjetër që ka qeveria është një zjarr me opozitën. Me Sali Berishën individualisht se para një viti e gjysmë ishte rehat me Lulzim Bashën. Kush e mendonte se do bëhej Berisha një uragan i tillë.
Dhe zjarri i tretë ku futet Ilir Meta është ai i korrupsionit. Kjo është një qeveri e një vendi të korruptuar. Këto tre zjarre, Edi Rama thotë ishallah mbaj këtë mandat deri në 2025, amerikanët janë miqtë e mi dhe nuk do më lëshojnë do më mbajnë deri atëherë.
Jemi në pikë kritike se ka koktej korrupsion plus inflacion. Është koktej eksploziv, ose molotov siç themi në Perëndim. PD e Berishës dhe partia e re e Metës mund të bëjnë sërf në këtë valë pakënaqësie.
Por që të çojë deri në rrëzimin e qeverisë nuk e di. Kjo opozitë nuk mund të vijë në qeveri sot përpara 2025, vetëm nëse ka zgjedhje të parakohshme.
Prandaj nuk e shoh. Ose nëse Meta ka ndonjë interpretim kushtetues. Mund të bëhet pyetja me referendum doni apo s’doni zgjedhje të parakohshme. Por jemi në një moment blofi, një agresion psikologjik që i bëhet Ramës në mënyrë që ai të shkasë. Por edhe një presion që i bëhet SPAK-ut që të dëgjojë kryeministrin si dëshmitar.
Shiko jemi në një periudhë vere dhe Rama vetë nuk e di nëse ka nevojë të konsumohet për gjëra të vogla. Se janë dy gjëra kyçe të vogla që po e ngacmojnë. E madhja janë SPAK-u dhe inceneratorët. Ai ose do ndërhyjë e inceneratorët, ku në një moment ndërhyri duke i thënë SPAK-ut shiko se po godisnin në një anë.
Dhe në këtë moment ai nuk merret me gjërat e mëdha, por me të voglat. Këtu është historia e Tases që ndodhi në Himarë. Aty bëri diçka negative se ja vuri të gjithë përgjegjësinë Arjan Tases që e përdori si një lloj Xhokeri, për të shmangur sulmin mbi qeverinë. Ai duhej të merrte masa. Të bënte një mea-culpa. Por këto janë histori të vogla. Nuk do e rrëzoja atë historinë e Ramës. Problemi i vërtetë i Ramës janë inflacioni, korrupsioni dhe inceneratorët.
Duhet të kuptoni se Rama nuk drejton i vetëm. Ka mbrapa një tutor që janë amerikanët. Jemi një lloj kolonie amerikane se vendosin SHBA-të bashkë me të. Sot në siklet mund ta vendoste një dosje tepër e rëndë që e ka në dorë SPAK-u. Është dosja e inceneratorëve. Por mua nuk më pëlqen ajo vizita e zotit Kraja në SHBA, ku takoi qeverinë amerikane.
Ç’punë ka prokurori i vendit tim, i SPAK-ut t’i japë llogari amerikanëve. Kraja mund të ketë thënë shiko se kam gjëra shumë të rënda. Pro amerikanët i kanë thënë thirr Ramën, ata që qëndrojnë pranë tij, por edhe Berishën dhe Metën për ta balancuar.
Se kanë problem fare amerikanët që SPAK-u të përndjek as Berishën, as Metën, as Ramën. Por po e bën një gjë të tillë ata destabilizojnë vendin.
Se kush do ia zërë vendin Ramës. Nuk ke sot një xhoker që të mbajë peshën e ekonomisë, e gjeopolitikës. Sot kjo luhet, se ka një vakum politik, nuk kanë një kartë amerikanët për të zëvendësuar Ramën.
