Dy shqiptarë, 17 dhe 18 vjeç, dhe një rumun 25 vjeç, u arrestuan nga policia italiane, si autorë të dyshuar të grabitjes së një 18-vjeçari francez. Ngjarja, sipas mediave italiane, ka ndodhur në piazza del Duomo, në Fierenze, natën e 4 gushtit.
Tre të rinjtë e arrestuar, i janë afruar francezit, e kanë rrethuar dhe më pas e kanë qëlluar me shqelma e grushte në kokë dhe në pjesë të tjera të trupit.
Sipas mediave italiane, ata i kanë marrë iPhone-in, një kartë debiti dhe 200 euro cash.
Ata janë larguar me vrap duke e lënë turistin shtrirë në tokë, në gjendje të rëndë. Ky i fundit i është nënshtruar trajtimit mjekësor pas mavijosje të rënda të raportuara në të gjithë trupin.
