Presidenti Bajram Begaj, i cili mori detyrën e Kreut të Shtetit me një ceremoni në 24 korrik, duket se po plotëson stafin e tij.
Kështu pas emërimit të Klement Zgurit, ish-kryetar i KQZ, në pozicionin e këshilltarit ligjor dhe Florjan Kalit si
Sekretari i Përgjithshëm i Presidencës, Begaj emëroi Eduard Seitaj si drejtor kabineti, ndërsa Valter Ibrahimi do të jetë Këshilltar Diplomatik, pozicion që e ka mbajtur edhe më parë në Presidencë.
Nga raportimet mësohet se një tjetër këshilltar i Presidentit do të jetë Fatmir Çela, ndërsa ekipin mediatik Begaj ia ka besuar Lira Çangas dhe Alisa Demollarit.
Ajo që bie në sy nga emrat e përzgjedhur nga Begaj është fakti se pjesa më e madhe e tyre kanë qenë pjesë e administratës shtetërore në periudha të ndryshme, herë të afërt politikisht me njërën parti dhe herë me tjetrën, në varësi të situatave.
