Avokati Altin Goxhaj ka njoftuar të hënën në orën 19:30 protestën e radhës të Shoqërisë Civile duke kërkuar ‘Drejtësi për Jonadën’, e cila u vra me skaf nga Komisari Arjan Taso në bregun e plazhit të Potamit. Protesta e së hënës pason atë të zhvilluar pasditen e së enjtes, kur iu la një ultimatum 72 orësh Kryeministrit Edi Rama për të larguar ministrat Bledi Çuçi, Mirela Kumbaro dhe kryepolicin Gledis Nano.
Në SYRI TV, Goxhaj theksoi se kjo protest do jetë një marshim pasi ka shumë rëndësi duke treguar një përshkallëzim duke shkuar te Kryeministria.
“Kjo arrogancë që u shfaq sot te çmimi i naftës si mesazh publik që mua nuk ma ndjen fare për ju apo edhe te ai koncerti i turpshëm në Durrës me militantët e rrjedhur që nuk duan as ujë as bukë vetëm partia të jetë mirë, pra kjo është situata që ne kemi për ditën e hënë.
Të hënën kemi një protest dhe do ta fillojmë përsëri te Ministria e Brendshme. Protesta do të jetë në orën 19:30 pasi edhe qytetarët në këtë orë janë bashkuar.
Do jetë një marshim pasi ka shumë rëndësi duke treguar një përshkallëzim duke shkuar te Kryeministria”, tha ai.
