Kreu demokrat, Sali Berisha, ka publikuar në rrjetin social, denoncimin e një qytetari, sipas të cilit skafi që u përdor nga Arjan Tase, komisari i përjashtuar nga Policia, pas tragjedisë së ndodhur në Potam, ku humbi jetën një vajzë 7-vjeçare, e cila ndodhej në bregun e detit, përdorej për transport droge.
Sipas mesazhit, motogomonja ( Skafi) me dy motorra i përket një grupi trafikantësh që kanë punuar dhe punojnë për transportim hashashi për Itali, Greqi dhe Malin e Zi, për llogari të Habilajve dhe Geron Xhafës, por që janë mbrojtur dhe favorizuar nga oficeri Arjan Tase me detyrë Komandant i Stacionit Policisë Himarë.
Postimi nga Berisha
“Skafi që përdori Tase ditën e tragjedisë shërbente për trafik droge.”
Kreu i PD publikon mesazhin e qytetarit dixhital.
###
Skafi i fuqishëm i komisar Tases përdorej nga Habilajt dhe Gerond Xhafa për trafik droge!
🔴 Lexoni denoncimin e qytetarit dixhital. sb
Pershendetje Doktor !
Uroj të jeni mirë me shendet familjarisht.
Jam oficer policie. Po ju informoj në lidhje me Motogomonen me dy motorra të fuqishem që aksidentij 7 vjeçaren në Potam: Motogomonja ( Skafi) me dy motorra i perket një Grupi trafikantësh që kanë punuar dhe punojnë për transportim hashashi per Itali, Greqi dhe Malin e Zi, për llogari të Habilajve dhe Geron Xhafes, por që janë mbrojtur dhe favorizuar nga oficeri Arjan Tase me detyrë Komandant i Stacionit Policisë Himar…!
Motogomonja ( Skafi), në ditët e fundit të muajit Maj, ka pësuar një defekt duke trasportuar 700 kg hashash për në Ishujt e Greqisë. Pastaj është terhequr nga Deti dhe është derguar me një automjet të mbyllur në një Servis të specializuar për Skafet në Rajonin e Kurbinit në afërsi të Patokut ku i është nënshtruar servisit për më shumë se një muaj. Pra është mjet lundrues për operacione të shpejta (trafik të paligjshem) dhe jo mjet lundrumi për sherbime turistike…!
Faleminderit.
