Ministri i Jashtëm rus, Sergei Lavrov, tha më 5 gusht se Moska është e gatshme të diskutojë për shkëmbimin e të burgosurve me Uashingtonin përmes një kanali ekzistues diplomatik.
Kjo deklaratë e Lavrovit u bë një ditë pasi një gjykatë ruse dënoi me nëntë vjet burgim basketbollisten amerikane, Brittney Griner, nën akuzat për kontrabandë droge.
Sipas ligjeve ruse, dënimi maksimal për akuzat që rëndojnë ndaj basketbollistes Griner është dhjetë vjet burgim.
“Ne jemi të gatshëm të diskutojmë për këtë temë, por brenda kornizës së kanalit për të cilin u ra dakord nga presidentët [Vladimir] Putin dhe [Joe] Biden”, tha Lavrov në një konferencë për media në margjinat takimit në Samitin e Azisë Lindore më 5 gusht.
Presidenti i Shteteve të Bashkuara, Joe Biden, lëshoi një deklaratë menjëherë pas shpalljes së dënimit, duke thënë se ky rast “është një përkujtues i radhës për atë që bota tashmë e di: Rusia pa të drejtë po e mban Brittneyn”.
“Ne jemi të gatshëm të diskutojmë për këtë temë, por brenda kornizës së kanalit për të cilin u ra dakord nga presidentët [Vladimir] Putin dhe [Joe] Biden”, tha Lavrov në një konferencë për media në margjinat takimit në Samitin e Azisë Lindore më 5 gusht.
Presidenti i Shteteve të Bashkuara, Joe Biden, lëshoi një deklaratë menjëherë pas shpalljes së dënimit, duke thënë se ky rast “është një përkujtues i radhës për atë që bota tashmë e di: Rusia pa të drejtë po e mban Brittneyn”.
Sekretari amerikan i Shtetit, Antony Blinken, dhe ministri i Jashtëm rus, Sergey Lavrov, më 29 korrik zhvilluan një bisedë telefonike, në të cilën ai i kërkoi Moskës të pranonte ofertën e SHBA-së për lirimin e basketbollistes amerikane, Brittney Griner, dhe amerikanit tjetër të burgosur, Paul Ëhelan.
Qeveria amerikane i ka propozuar Rusisë këmbimin e Uhelanit dhe Grinerit, me rusin e dënuar për tregti armësh, Viktor Bout. /Rel/
