Osman Metalla, ekspert i çështjeve detare, i ftuar në Syri Tv, u shpreh se ngjarja në Himarë është një aksident i rëndë ku janë shkelur një sërë rregullash.
“Ajo ishte kulmimi i një sërë ngjarjeve që kanë ndodhur në plazhet tona pasi siguria është në nivelin zero.
Ka pasur ngjarje në zona të ndryshme të bregdetit ku janë dëmtuar persona pasi gomone dhe mjete motorike ujore kanë sjelle shumë probleme.
Mjetet motorike janë përdorur krejtësisht jashtë rregullave dhe ligjeve që ka vendi ynë pasi mungon zinxhiri kontrollues nga autoritetet.
Deklarata e bërë nga kryeministri është e vërtetë pasi zonat qeveritare janë në rregull dhe nuk ka asnjë problem ngaqë ruhen shumë ndërsa zonat publike lihen në mëshirën e fatit.
Ligji është shkelur në mënyrë flagrantë nga të shumica e personave që kanë marrë lejet për mjetet ujore”-u shpreh Metalla.
