Vladimir Beqiraj është autori që vrau gruan e tij tri ditë më parë në ishullin Zakinthos në Greqi.
Pas një sherri në familje, 51-vjeçari e goditi me grushte dhe në vazhdim me thikë bashkëshorten e tij.
Gruaja u dërgua në spital, por mjekët nuk mundën dot ta shpëtojnë pasi kishte marrë plagë të rënda në gjoks dhe bark.
Autori, i cili është arrestuar u dërgua në Prokurori, ku ka pranuar krimin, ndërsa dyshohet se i ka thënë Policisë se e ka vrarë se e “kishte tradhtuar”.
Dy djemtë e saj më të mëdhenj, 20 dhe 14 vjeç, ishin të vetmit që kujdeseshin për të, të cilët e dinin të vërtetën, por edhe frikën që kishte nëna e tyre sa herë kthehej nga puna.
Djali 20-vjeçar i çiftit ka treguar se gruaja fatkeqe kishte shumë frikë dhe se sjellja agresive e të shoqit vazhdoi për shumë vite.
Në një reagim të dy ditëve më parë, djali tha: “Faji është edhe i yni, sepse nuk kishim marrë masat e nevojshme, ky ishte një gabim shumë i madh i yni. Unë dhe nëna ime folëm për këtë në përgjithësi.
Ajo punonte dy punë për të përballuar jetesën dhe unë nuk isha këtu.
Ajo bëri gjithçka për ne. Vetëm për fëmijët e saj. Ajo ishte nëna perfekte. Më vjen keq për vëllain dhe motrën time, duhet të gjejmë një zgjidhje dhe të vazhdojmë përpara”, tha djali i çiftit.
Viktima 41 vjeç e kishte denoncuar autorin dy herë më parë dhunë në familje, madje herën e dytë ai ishte liruar me urdhër të prokurorit, por me kusht të mos i afrohej viktimës më shumë se 100 metra.
Mediat greke kanë publikuar foto të 41- vjeçares shqiptare, Lonora Serina, e cila u vra me thikën e kuzhinës nga bashkëshorti i saj në Zakinthos në Greqi. Trupi i 41-vjeçares do të varroset në Shqipëri, ditën e premte me 5 gusht, ku edhe familjarët do të hapin dyert e mortit.
Ndërkohë 51-vjeçari, autor i vrasjes, pritet të mbërrijë në Gjykatën e Zakinthos për t’u dërguar në Prokurori.
