Një ngjarje e rëndë ka ndodhur sot në Himarë, ku skafi ka goditur për vdekje një fëmijë në plazhin e Potamit.
Mësohet se fëmija 5 vjeç ka ndërruar jetë nga plagët e marra.
Ky është rasti i tretë brenda një muaji që skafet në plazhet e Shqipërisë aksidentojnë pushuesit.
“Sot, rreth orës 14:00, në plazhin e Potamit, shtetasi A. T., duke drejtuar një mjet lundrues tip skaf, dyshohet se ka humbur kontrollin mbi drejtimin e mjetit lundrues dhe për pasojë mjeti lundrues ka goditur një fëmijë rreth 5 vjeç, i cili për shkak të dëmtimeve ka ndërruar jetë në vendngjarje.
Drejtuesi i mjetit lundrues është shoqëruar në Komisariatin e Policisë Himarë dhe po kryhen procedurat për arrestimin e tij.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”, thekson policia.
Mësohet se drejtuesi i skafit që goditi për vdekje fëmijën 5 vjeç në plazhin e Potamit, është identifikuar si Arjan Tase.
Ai është ish-shefi i Komisariatit të Himarës.
Kush është Arjan Tase?
Arjan Tase, i cili shkaktoi aksidentin e sotëm, ku në plazhin e Potamit humbi jetën një i mitur rezulton i pezulluar nga detyra, pasi dyshohej se shpërdoroi detyrën.
Kjo pasi nuk kishte kryer kontrolle në një zonë ku ishte mbjellë kanabis.
Fillimisht ndaj tij, përveç pezullimit të detyrës, gjykata caktoi edhe masën e “detyrimit për t’u paraqitur”. Por, Apeli rrëzoi akuzat ndaj tij.
Kjo për shkak se, sipas gjykatës, nuk u gjetën prova për akuzat e ngritura.
