Një 30-vjeçar shqiptar është dënuar me 1 vit e gjysmë burg pasi goditi një oficer policie në Britaninë e Madhe si dhe u kap me 8 kilogramë drogë.
30-vjeçari, Erjon Selivrada nuk i është bindur urdhrit të policisë teksa ecte me shpejtësi me makinën e tij, por pas ndjekjes nga policia britanike ai është ndalur.
Shqiptari ka bërë rezistencë duke goditur një nga oficerët e policisë dhe më pas ka hyrë mes makinave të tjera. Pas përpjekjeve të policisë është bërë i mundur neutralizimi i tij.
Në rindërtimin e ngjarjes, prokuroria theksoi se shqiptari pasi doli nga makina dhe goditi oficerin e policisë, ai vrapoi nëpër dy karrexhatat e rrugës duke krijuar kaos mes automjeteve.
Por, për fat të mirë, sipas prokurorisë askush nuk u lëndua. Gjykata e dënoi atë me 1 vit e gjysmë burg. Pas përfundimit të dënimit, Selivrada do të deportohet në Shqipëri.
