Policia italiane arrestoi një 20-vjeçar shqiptar, pasi u kap duke shitur kokainë dhe hashash në zonën e Borgo Bovios.
20-vjeçari kishte krijuar klientelën e tij dhe tregtonte kokainë dhe hashash në një nga lagjet më të populluara në Terni.
Policia e kishte mbajtur disa kohë nën vëzhgim sipas medieve italiane.
Aksioni blic i karabinierëve u realizua pas denoncimit të disa banorëve të lagjes, të cilët ishin të sigurtë se shqiptari ishte një shpërndarës i rregullt droge. Lëvizjet e tij të dyshimta konfirmuan denoncimet.
Efektivët e seksionit operativ të Nor-it e ndoqën për disa ditë dhe ia dolën të demaskonin trafikun e tij të paligjshëm.
Gjatë kontrollit, 20-vjeçari kishte 18 doza kokainë të paketuara gati për tu shitur.
Ndërsa në banesë karabinierët gjetën vetëm 3 gramë hashash.
Droga u sekuestrua dhe 20-vjeçari, i cili nuk ka një punë zyrtare në Terni, u arrestua nga policia.
