Enur Totre nuk është më futbollist i Tiranës! Sipas “Panorama Sport” mesfushori është përshëndetur përfundimisht me shokët e skuadrës dhe drejtuesit duke u larguar nga kampionët e Shqipërisë pas vetëm një sezoni.
Ashtu siç është shkruar ditën e fundit për një transferim të tijin te Vorskla Poltava, tashmë pritet vetëm zyrtarizimi dhe dëmshpërblimi që klubi ukrainas do të japë ndaj Tiranës për shitjen e Enur Totres për shifrën e 250 mijë eurove.
Vetë Totre do të firmosë për tri vite për skuadrën ukrainase, teksa do të përfitojë një rrogë prej rreth 200 mijë eurosh në sezon.
Kujtojmë se klubi i Tiranës ka përfituar të ardhura të ndjeshme nga fitorja e titullit kampion dhe pjesëmarrja në kompeticionet europiane në këtë sezon.
