Nga Bledian Koka
KESH-i i drejtuar nga Ergys Vjerdho vetëm sot i kushtoi taksapaguesve shqiptarë 3 milionë euro dëm. Po them dëm, për të mos thënë vjedhje. Cfare ka ndodhur.
Sot Korporata Elektroenergjitike Shqiptare zhvilloi tender për blerjen e energjisë për 1 javë (1 deri në 7 Gusht). KESH arriti të blejë vetëm një lot energji prej 28.560 MVh me vlerë 521.47 euro, gati 15 milionë euro në total. Tenderi u hap sot në ora 10.00, u mbyll në ora 13.00 dhe në orën 15.00 u shpall fituesi. Nderkohë sipas bursës, nesër cmimi i energjisë do të jetë 408.28 euro per MVh.
Pra sikur Ergys Vjerdho i KESH të kishte pritur vetëm 12 orë, nesër KESH do të paguante vetëm 13 milionë euro për energjinë që ka blerë për një javë, ose më saktë 3 MILIONË EURO MË LIRË.
Thënë kjo, KESH ka zhvilluar nga janari deri më sot mbi 60 tendera për blerjen e energjisë me një total prej 300 milionë euro. Cmimi mesatar i energjisë në janar ka qenë 204 euro për MVh.
Sikur qeveria të ishte shqetësuar për krizën e energjisë dhe kursimin e parave do ta kishte blerë një fashë të energjisë të sigurt që atëherë për gjithë vitin, por krizë nuk ka. Energji në treg ka plot dhe me cmim të arsyeshëm.
E vetmja emergjencë që kjo qeveri ka, është grabitja e parave përmes tenderave okult dhe energjia është një thes i madh për të futur duart si taksa ashtu edhe në xhepat e shqiptarëve që pritet t’u fryhen edhe më shumë faturat e energjisë nga cakejt e Rilindjes!
p.s…po të kishte SPAK do të mjaftonte ky tender i sotëm skandaloz i KESH për ta marrë Ergys Vjerdhon brenda, për të mos thënë që po i njëjti duhet ta kishte prerë biletën me tenderat korruptiv që ka bërë në ARRSH!
