BE-ja është detyruar të planifikojë racionimin e gazit këtë dimër në një përpjekje për të shmangur një krizë energjetike të krijuar nga shkurtimet e mëtejshme ruse të furnizimit.
Ministrat e Energjisë nga 27 vendet anëtare, me përjashtim të Hungarisë , mbështetën një reduktim vullnetar prej 15% të përdorimit të gazit gjatë dimrit, një objektiv që mund të bëhet i detyrueshëm nëse Kremlini urdhëron një mbyllje të plotë të gazit në Evropë.
Marrëveshja erdhi më pak se 24 orë pasi firma energjetike ruse e kontrolluar nga shteti, Gazprom, njoftoi një reduktim të madh të furnizimeve me gaz përmes gazsjellësit kritik Nord Stream 1 nga e mërkura. Kryetarja e Komisionit Evropian, Ursula von der Leyen, tha se nuk kishte “asnjë arsye teknike të justifikueshme” për shkurtimin.
Ajo ka akuzuar presidentin rus, Vladimir Putin, se po përpiqet të shantazhojë vendet evropiane për mbështetjen e Ukrainës. Rusia ka shkurtuar ose ulur furnizimet për një disa vendesh të BE-së.
“Njoftimi nga Gazprom se po shkurton më tej furnizimet e gazit në Evropë përmes Nord Stream 1, pa arsye teknike të justifikueshme, ilustron më tej natyrën jo të besueshme të Rusisë si furnizues i energjisë”, tha Von der Leyen. “Falë vendimit të sotëm, ne tani jemi gati të trajtojmë sigurinë tonë energjetike në shkallë evropiane, si union.”
Zyrtarët e BE-së e përshëndetën marrëveshjen si një moment historik për një politikë të bashkuar energjetike që kujton kërcimin në integrimin në shëndetësi të ndërmarrë gjatë pandemisë Covid.
