Ish-presidenti Ilir Meta ka paralajmëruar në një dalje nga selia e LSI-së se vetëm referendumi e nxjerr Shqipërinë nga situata e rëndë ku ndodhet.
Meta theksoi se referendumi i popullit të 2 marsit, godet Esat Pashët e vendit dhe bën Shqipërinë si Zvicra.
Meta: Kapjen e shtetit nuk mund ta bënin edhe pa futur në grackë edhe LSI-në e cila doli jashtë funksionit duke u bërë një shtojcë e shtojcës së regjimit më kleptokratik që ishte PD.
Unë jam këtu për t’i falenderuar anëtarët e LSI-së dhe kam besim në përkushtimin e tyre në të ardhmen për çështje më madhore.
Tashmë ka ardhur momenti për një transformim të sistemit në vend. Ka ardhur momenti që populli i 2 marsit të nisë rrugën e tij dhe të triumfojë referendumi si e vetmja mënyrë që do vendosë nën kontroll këtë klasë politike të papërgjegjshme dhe jam i sigurt se kjo gjë do ndodhë shumë shpejt.
Jam i bindur se referendumi që i ka munguar popullit që nga viti 1998 do të rëndojë mbi Esat Pashët e rinj të vendit që kanë ngulur thika pas shpine vendit dhe Kosovës.
Meta në deklaratë thumboi edhe Ramën për shkarkimin e kryenegociatorit Zef Mazi, në kohën që po hapen negociatat.
“Ja që nuk ka vetëm 24 korrik po ka dhe 25 korrik. Një ditë e re, një agim i ri dhe një rrugë e re.
Erdha sot këtu sepse kisha pak nostalgji për këtë dokumentin e LSI e se jam krenar që në 2004 kam ngritur një forcë politike për të shpëtuar integrimin e Shqipërisë që mbahej peng nga PS e falë atij angazhimi të jashtëzakonshëm të LSI u bë rrotacioni kleptokracia humbi mbi 20 e ca mandate e falë atij rrotacioni Shqipëria firmosi marrëveshjen e stabilizim asociimit.
Ne shkarkuam kryenegociatorin pa nisur ende negociatat.
Falë angazhimit të LSI u bë rotacioni u kleptokracia humbi dhe në vitin 2006 Shqipëria firmosi marrëveshjen e stabilizim asocimit që Mali i Zi dhe Serbia i firmosën më pas. Por ata i kanë çelur negociatat. Ne në pamundësi për t’i shtyrë edhe më tej nga regjimi kleptokratik i hapëm tani dhe shkarkuam kryenegociatorin pa nisur akoma negociata duke treguar përkushtimin e atyre që urrejnë BE, zgjedhjet, konkurrencën, pluralizmin median e lirë dhe të pavarur”, deklari Meta.
