Sezonin e kaluar transferimi i Lionel Messit te PSG-ja duke lënë Barcelonën pas 17 vitesh ishte kryefjala e merkatos. Presidenti i Barcelonës, Joan Laporta ,menjëherë pas fitores së katalanasve ndaj Realit të Madridit në miqësoren e zhvilluar në Shtetet e Bashkuara të Amerikës me rezultatin 1-0, ka folur sërish për temën “Messi”.
Ai ka deklaruar se është në borxh me të dhe se kapitulli i tij nuk ka përfunduar te Barcelona: “Besoj, shpresoj dhe uroj që kapitulli i Messit të mos ketë përfunduar ende te Barcelona. Dhe është përgjegjësia jonë të sigurojmë që ai të ketë një fund më të mirë se sa ishte.
Si president i Barcelonës, besoj se kam bërë atë që është dashur, por pavarësisht kësaj, mendoj se jam moralisht borxhli ndaj tij. Për klubin tonë Mesi ishte gjithçka, ndoshta lojtari më i mirë në histori, i krahasueshëm vetëm me Cruijf”, përfundoi Laporta.
