Prokurori Shpëtim Garunja i Prokurorisë së Tiranës do të përballet të premten me Komisionin e Pavarur të Kualifikimit. Skeda grafike tregon ndryshimin e pasurisë familjare nga viti 2003 deri në fund të vitit 2016.
Prokurori Shpëtim Garunja i Prokurorisë së Rrethit Tiranë do të përballet të premten më 22 korrik me Komisionin e Pavarur të Kualifikimit. Procesi i tij i vetingut po kryhet nga trupa e përbërë nga Etleda Çiftja, Pamela Qirko dhe Roland Ilia.
Shpëtim Garunja e nisi karrierën në sistemin e drejtësisë në vitin 1988 dhe punoi si prokuror në Lezhë dhe në Kurbin. Prej vitit 2010, ai e ushtron funksionin në Prokurorinë e Rrethit Tiranë.
Analiza e pasurisë është një ndër tre shtyllat e rivlerësimit për prokurorët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet pasurinë e deklaruar nga prokurori Shpëtim Garunja nga viti 2003 deri në fund të vitit 2016. [Kliko për skedën në PDF].
Në deklarimin për të herë të parë në vitin 2003, prokurori Shpëtim Garunja zotëronte pasuri me vlerë 4.2 milionë lekë, ndërsa në fund të vitit 2016, pasuria e tij familjare është 12 milionë lekë.
Ai zotëron familjarisht pasuri të paluajtshme me vlerë 7.1 milionë lekë, likujditete bankare prej 2.9 milionë lekësh, automjet me vlerë 981 mijë lekë si dhe kursime në cash prej 980 mijë lekësh.
Të ardhurat familjare për periudhën deklaruese janë 45.6 milionë lekë, ku gati 34% kanë si burim pagën e prokurorit, 49% pagën e bashkëshortes dhe 17% deklarohen me burime të ndryshme.
Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. Nga kontrolli aritmetik/logjik për 13 vite të deklarimit, asnjë prej deklaratave nuk rezultoi me probleme.
Nga analiza cilësore e deklaratave të pasurisë, BIRN identifikoi si “flamuj të kuq” blerjen e pasurive të patundshme.
Subjekti Shpëtim Garunja deklaron në vitin 2003 apartament banimi në vlerë 4,000,000 lekë me burim kryesor financimi një kredi në vlerë 2,258,000 lekë si dhe pagën e tij dhe të bashkëshortes.
Në vitin 2006, subjekti deklaron shtesë të pasurisë së paluajtshme kontratë porosie apartamenti, i cili referuar vlerës që i shlyhet ndër vite shoqërisë së ndërtimit, rezulton të jetë 25,200 euro.
Deklarata e pasurisë së vitit 2003
Deklarata e pasurisë së vitit 2004
Deklarata e pasurisë së vitit 2005
Deklarata e pasurisë së vitit 2006
Deklarata e pasurisë së vitit 2007
Deklarata e pasurisë së vitit 2008
Deklarata e pasurisë së vitit 2009
Deklarata e pasurisë së vitit 2010
Deklarata e pasurisë së vitit 2011
Deklarata e pasurisë së vitit 2012
Deklarata e pasurisë së vitit 2013
Deklarata e pasurisë së vitit 2014
Deklarata e pasurisë së vitit 2015
Deklarata e pasurisë së vitit 2016 /BIRN/
