Kosova ka regjistruar dy viktima dhe 1440 raste të reja me koronavirus, bëri të ditur Ministria e Shëndetësisë (MSH).
Rastet e reja rezultuan pas testimit të 3669 mostrave, ndërsa pozitiviteti rezultoi në 39.24 % të tyre.
Numri i infektimeve të reja është më i ulët krahasuar me një ditë më parë kur Kosova regjistroi rreth 1800 raste.
Sipas raportit, në 24 orët e fundit janë shëruar edhe 761 qytetarë, ndërsa në total janë 8712 raste aktive.
Kosova së fundmi po regjistron rritje të rasteve me koronavirus, gjë që ka shtyrë autoritetet të bëjnë thirrje për mbajtjen e maskave në ambiente të mbyllura dhe që qytetarët të vaksinohen kundër koronavirusit.
