Deputetja demokrate, Dhurata Çupi shkruan në FB se deputetët e PD-së nuk po i shesin interesat e kësaj partie te PS lidhur me reformën zgjedhore.
Ajo thekson se i ka ftuar kolegët e palës së Berishës për bashkëpunim, por ata kanë refuzuar, duke shtuar se pazare nuk ka dhe nuk do të lejohen asnjëherë.
“Keqardhje për kolegët që keqpërdorin pozitat e tyre për të sulmuar pjesën tjetër. Kur të na thonë si i shitën interesat e PD tek PS për reformën e fundit zgjedhore, mund të nisin dhe të bëjnë moral. Të paraqesësh punën e dikujt tjetër si gjetje, për të shtuar pak bashki, pa ndonjë përfitim të rëndësishëm për qytetarët, nuk është ide. Është një përpjekje për pazar me PS për t’u dukur prapë si i rëndësishëm”, shprehet Çupi.
“As demokratët, as shqiptarët e tjerë nuk kanë nevojë për këtë teatër të shëmtuar. Në komision përfaqësoj me integritet PD-në dhe këtë nuk mundet ta mohojë dot askush. I kam ftuar kolegët te bashkëpunojmë, por kanë refuzuar. E sa për pazar, jo vetëm që nuk ka, por nuk do të lejojmë as të ketë asnjëherë. Këtë ta dinë mirë ata që në vend që të bashkojnë forcat për të ndryshuar ndarjen territoriale se është një nevojë për shqiptarët, e kanë mendjen tek pazaret”, shton ajo.
