Avokati Altin Goxhaj tha në emisionin ‘A Show’ në Syri Tv se kryeministri Edi Rama dhe kryebashkiaku i Tiranës Erion Veliaj, prej datës 7 korrik kur u mbajt protesta para kryeministrisë, nuk ë bëjnë gjumin të qetë.
Goxhaj tha se protesta e 7 korrikut ishte madhështori ndërsa shtoi se mbështet Berishën pasi është i vetmi burrë që Edi Rama ka frikë.
“Besoj që prej datës 7 korrik, Rama dhe Veliaj nuk flejnë gjumë rehat. Kam qenë i bindur kur kryetari i Partisë Demokratike, Sali Berisha u përball me Lulzim Bashën, unë do mbështes Berishën sepse është i vetmi burrë që ka frikë Rama.
Në 7 korrik, pamë një Berishë me një parti të copëtuar, që në orën 7 e 10 nuk kishte as gjysmën e protestuesve në 8 e 10.
Pas orës 7 e 10 nuk ka të bëjë më me PD-në ajo punë, por me qytetin. Berisha më ka thirrur në zyrë për një status të fortë kundër tij.
Ishte ironi. Berisha më tha, unë dhe ti duam të bëjmë protestë, por këtu s’do njeri. Kur është marrë kjo iniciativë për të bërë protestë nga Berisha, ka qenë krejt i vetëm në atë parti se askush nuk e besonte se do bëhej protestë në korrik.
Ishte protesta më e madhe, pamë Tiranën, aromë qyteti, hera e parë që PD kishte aromë. Kjo s’ka të bëjë me Berishën, por se është mbarsur situata, do prodhojë rrëzimin e Ramës”, tha Goxhaj.
