Guardia di Finanza është duke kryer një operacion në brigjet e Vlorës. Mësohet se prej pak orësh, GdF është vënë në ndjekje të një mjeti lundrues në afërsi të grykëderdhjes së Vjosës.
Sipas raportimeve tashmë ndjekja po kryhet edhe me helikopter, ndërsa mjeti lundrues vijon në det të hapur pasi dyshohet se ka drogë. Burimet e policisë së Vlorës bëjnë me dije se mjeti lundrues vinte nga Greqia.
Për mjetin në fjalë krahas Guardia di Financës janë njoftuar edhe avionët Frontex. Patrullime të policisë edhe pranë fshatit Delisuf në grykderdhje të Vjosës nga policia e qarkut.
