Britania e theu të martën, rekordin e vet për temperaturën më të lartë të regjistruar ndonjëherë, me një lexim të përkohshëm prej 39,1 gradë Celsius sipas zyrës së motit të vendit – dhe nxehtësia pritet të rritet.
Temperatura më e lartë e regjistruar më parë në Britani ishte 38,7 gradë Celcius, një rekord i vendosur në vitin 2019. Rekordi i së martës u shënua në Charluood, Angli. “Temperaturat ka gjasa të rriten më tej gjatë ditës së sotme”, tha sinoptika.
E marta e lartë erdhi teksa vendi u zhyt në një vapë që gjithashtu e përvëloi Evropën kontinentale që javën e kaluar. Udhëtimet, kujdesi shëndetësor dhe shkollat u ndërprenë në një vend të papërgatitur për ekstreme të tilla.
Një pjesë e madhe e Anglisë, nga Londra në jug deri në Mançester dhe Leeds në veri, ishte nën paralajmërimin e parë të lëshuar në vend për të nxehtin “ekstrem” të martën, që do të thotë se ekziston rreziku i vdekjes edhe për njerëzit e shëndetshëm.
Gjykata e Lartë e Britanisë u mbyll për vizitorët pasi një problem me kondicionerin e detyroi atë të zhvendoste seancat dëgjimore në internet. Muzeu Britanik planifikoi të mbyllej herët.
Shumë ndërtesa publike, duke përfshirë spitalet, nuk kanë ajër të kondicionuar, një reflektim se sa e pazakontë është një nxehtësi e tillë ekstreme në vendin e njohur mirë për shiun dhe temperaturat e buta.
