Arvit Bushati është administratori i ri i ndërmarrjes së ujësjellës kanalizime Shkodër.
Ai është emëruar në këtë post nga kryebashkiaku Bardh Spahia i cili më herët liroi nga detyra e administratorit Mark Mollën.
Bushati do të jetë në këtë detyrë me mandat 3 vjeçar ndërkohë që vendimi u mor pasi gjykata rrëzoi emërimin që ishte bërë nga ish kryetarja e bashkisë pak ditë përpara se të dorëzonte detyrën, që i zgjati mandatin Mollës edhe me 4 vite.
Tashmë zyrtarisht UKSH do të drejtohet prej të martës nga Bushati i cili vjen në këtë detyrë pasi ka qenë më herët drejtues i forumit rinor të PD, si dhe ka mbajtur funksione të ndryshme në pushtetin vendor.
