Të gjithë institucionet shtetërore që mundësojnë shërbime online përmes platformës e-Albania, kanë dnërprerë shërbimit pas sulmit kibernetik.
Ministrja e Arsimit, Evis Kushi, njoftoi këtë të Hënë se se procesi i regjistrimit për nxënësit e klasave të para dhe të dhjeta do të shtyhet. Ministria për Evropën dhe Punët e Jashtme njoftoi se shërbimet konsullore online janë ndërprerë përkohësisht deri në një njoftim të dytë.
Edhe Kadastra ka bërë me dije se nuk mundësohet aplikimi për shërbimet kadastrale nëpërmjet e-Albania
“Të nderuar Qytetarë! Sikurse jeni në dijeni, Platforma Qeveritare po përballet me sulme kibernetike nga jashtë vendit. Të ndodhur në këtë situatë Agjensia Shtetërore e Kadastrës me keqardhje Ju bën me dije, se nuk mundësohet aplikimi për shërbimet kadastrale nëpërmjet e-Albania, deri në një njoftim të dytë. Ju falenderojmë për mirëkuptimin”, thuhet në njoftim.
