Policia italiane ka ndërmarrë një aksion antidrogë sot në mëngjes në Val di Susa e në Torino. Kërkimet janë kryer edhe në provincën e Bergamos.
Karabinierët kanë ekzekutuar në total 8 masa të sigurisë. Nga këta, 6 janë “arrest me burg”, një “detyrim paraqitjeje” dhe një “arrest shtëpie”, në lidhje me akuza për shpërndarje të lëndëve narkotike.
Mediat e vendit fqinj raportojnë se janë arrestuar 6 italianë e 2 shqiptarë. Shtetasit nga Shqipëria janë vëllezër dhe menaxhonin tregun e kokainës mes Luginës së Suzës dhe zonës në perëndim të Torinos.
Hetimet për rastin nisën para 2 vitesh, në muajin qershor 2020, ku u dyshua fillimisht për persona që merreshin me trafik droge. Shitësit, shumica kujdeseshin për shpërndarjen, shitës me pakicë e tregtarë në shkallë të vogël. Gjatë hetimeve u gjetën dhe sekuestruan shtatë kilogramë kokainë.
“Dy nga të arrestuarit janë vëllezër shqiptarë dhe ishin përgjegjës për furnizimin e gjithë Val di Suzës së poshtme”, shkruajnë mediet.
Pasi droga, e fshehur në kroskotin e makinave, mbërrinte nga Milano me korrier, dy vëllezërit e shisnin me pakicë.
