Në lidhje me vrasjen e trefishtë dje, policia e Krujës ka shoqëruar mbi 10 persona ku janë marrë në pyetje.
Të gjithë të shoqëruarit janë dërguar ne drejtorinë e policisë së Durrësit.
Edhe sot, me dhjetëra forca të FNSH-në kanë shkuar në Fushë Krujë.
Diklen Vata, Besmir Hoxha dhe Brilant Martinaj, mbetën të vrarë në atentatin e pasdites të së dielës (16 Korrik) në mbikalimin e Fushë-Krujës.
Dyshohet se katër kanë qenë autorët të cilët ndodheshin në makinën tip “Volswagen Passat” nga u qëllua me breshëri plumbash mbi makinën e viktimave.
Besmir Hoxha dhe Brilant Martinaj, u shkrumbuan në makinën në të cilën ndodheshin pasi mjeti u përfshi nga flakët.
Ndërkohë Vata arriti të dilte i gjallë nga makina, por autorët sapo kanë parë atë duke dalë, e kanë qëlluar duke e lënë të vdekur.
Në vendngjarje janë gjetur rreth 50 gëzhoja, ndërkohë një automjet kallashnikov është gjetur në makinën e autorëve që uu gjet e djegur pas atentatit jo larg vendngjarjes dhe një pistoletë në makinën e viktimave.
