Katër persona janë arrestuar nga policia italiane nën akuzën e trafikut të drogës.
Mediat italiane shkruajnë se në pranga kanë rënë tre italianë të moshave 44, 38 e 15 vjec, e një shqiptar 29 vjec.
Gjatë kontrollit, karabinierët i kanë gjetur të miturit në xhepa 19 doza kokainë dhe 24 heroinë.
Droga ishte bërë gati për t’u shitur. Policia e vendit fqinj ka bërë me dije se ndërsa i mituri shpërndante lëndën narkotike, tre të tjerët e vëzhgonin atë.
Tre personat e moshës madhore janë në burg, ndërsa 15-vjecari është dërguar në një qendër të pritjes së fëmijëve.
Të burgosurit janë në pritje të dënimit nga gjykata.
