Një i ri është arrestuar nga policia e Fierit për armëmbajtje pa leje. Policia njoftoi këtë të Premte se arma e zjarrit është gjetur në makinën me të cilën ai lëvizte. Po ashtu, është proceduar për moskallëzim krimi pasagjeri në mjet.
“Shërbimet e Sektorit Operacional në DVP Fier, në bashkëpunim me Komisariatin e Policisë Fier dhe Forcën e Posaçme ‘Shqiponja’, bazuar dhe në informacionet e marra në rrugë policore, kanë organizuar dhe finalizuar me sukses operacionin policor të koduar ‘Levani’. Si rezultat i këtij operacioni, u bë arrestimi në flagrancë i shtetasit E. O., 26 vjeç, banues në Vlorë, për veprën penale ‘Mbajtja pa leje e armëve dhe municionit luftarak. Gjithashtu, u procedua penalisht në gjendje të lirë, për veprën penale ‘Moskallëzimi i krimit’, shtetasi E. B., 28 vjeç, banues në Vlorë”, njoftoi policia.
“Mbrëmjen e djeshme, në Levan, gjatë kontrollit të ushtruar në automjetin me drejtues shtetasin E.B. dhe me pasagjer shtetasin E.O., shërbimet e Policisë gjetën dhe sekuestruan në cilësinë e provës materiale një armë zjarri pistoletë me krehër dhe municion luftarak, që ishin fshehur poshtë sediljes së pasagjerit. Drejtuesi i mjetit, shtetasi E. B. ka patur dijeni për armën dhe nuk kallëzuar në Polici”, shtuan të njëjtat burime.
