Analisti Genc Burimi komentoi në emisionin ‘Task Force’ propozimin francez për Maqedoninë e Veriut. Burimi deklaroi se propozimi francez është fantastik pasi erdhi në një moment kur askush nuk e priste. Sipas tij, Maqedonia e Veriut nuk duhet ta refuzojë këtë shans sepse më vonë nuk i dihet.
“Konkluzioni që nxjerr unë është që Maqedonia e Veriut nuk duhet ta refuzojë këtë propozim sepse është një shans i tanishëm dhe më vonë nuk i dihet.”-tha Burimi.
Më tej gazetari Genc Burimi deklaroi se Maqedonia e Veriut duhet të shkojë drejt Europës ndërsa theksoi se duhet të vënë kushtet e tyre.
“Maqedonasit janë të aftë të kushtëzojnë, në Shqipëri ka një kompleks, Amerikë, BE, janë të paprekshme, jo more jo. Shoh që po nxjerrin zorrët maqedonasit e bullgarët, për çështje që nuk janë vitale.”-tha Burimi.
