Presidenti Ilir Meta ka reaguar për skandalin e inceneratorëve pas publikimit të fakteve të reja, lidhur me falsifikimin e firmave të personave që nuk jetojnë më.
Meta shprehet se për të marrë pensionin u kërkohet të paraqiten fizikisht ndërsa për afera të këtyre përmasave nuk merret asnjë masë.
Kreu i Shtetit thekson se vetëm lufta e hapur kundër kapjes së shtetut dhe korrupsionit e parandalon falimentimin e Shqipërisë.
Sipas Metës, kapja e shtetit dhe korrupsioni qeveritar ka kaluar çdo imagjinatë.
“Krimi dhe kapja e shtetit ka kapërcyer çdo imagjinatë. Ndërsa për të marrë pensionin u kërkohet pensionistëve që të paraqiten fizikisht për të provuar se janë gjallë, miliona euro të taksapaguesve tanë grabiten nga mafia e inceneratorëve me firma të falsifikuara të qytetarëve, që janë ndarë nga kjo botë prej 5 vitesh.
Vetëm lufta e hapur kundër kapjes së shtetit dhe korrupsionit parandalon falimentimin e Shqipërisë. Koha nuk pret më!”, shkruan presidenti Meta.
