Kreu i PD, Sali Berisha, deklaroi në emisionin Open, se Enkelejd Alibeaj po keqpërdoret dhe keqshfrytëzohet nga Edi Rama dhe Taulant Balla.
Berisha tha se Alibeaj po bën lojën e Qeverisë, ndërsa e konsideroi si gjënë më të turpshme atë që Qeveria kërkon të bëjë me Partinë Demokratike me lojra gjykatash.
“Më vjen keq, por Alibeaj po keqpërdoret dhe keqshfrytëzohet nga një kriminel si Taulant Balla. Unë kam parë në Parlament skena, që kurrë s´kanë ndodh se si Balla urdhëron Alibeajn të flasë, madje urdhëron edhe drejtuesen e seancës që ti japë fjalën”, tha Berisha.
Ai tha se njeriu më i afërt i Alibeajt, pas bashkëshortes së tij, është Kapllan Pallati. ” E dini ju, ai që i organizon takimet në Fier. Kapllan Pallati ka marrë 95 tendera nga kjo qeveri, ka marrë thasët me para nga inceneratorët”, tha Berisha.
