Kreu i PD, Sali Berisha, tha se protestat në shtator do të zhvillohen për vjedhjet masive që po bën kjo qeveri nga dita në ditë, të cilat ne i kemi denoncuar me fakte e prova.
Berisha tha se populli shqiptar do të dalë në protesta, pasi burimi i çdo të keqeje është pikërisht mungesa e votës së lirë.
“7 korriku ishte një hap cilësor, opozita është shumicë në botën digjitale. 7 korriku shënoi shpalljen e një fuqie të re, ishte një protestë, përtej Partisë Demokratike, kishte me mijëra qytetarë, ishin përfaqësues të kauzave, kanë mbrojtur këto kauza”, tha Berisha.
Ai u shpreh se protesta ishte bashkimi i shumë kauza, ku kryekauza ishte: Boll vodhe, ik. Kreu i PD tha se skandali i inceneratorëve do e djegë këtë Qeveri dhe për këtë të jeni të bindur. Berisha tha se edhe SPAK nuk e shpëton dot këtë Qeveri, por me qëndrimin që po mban kjo Prokurori po e çojnë vendin në pasiguri.
Berisha tha se Edi Rama do të rrëzohet nga qytetarët e zemëruar.
