Kryetarja e LSI, Monika Kryemadhi, ka kërkuar nga SPAK që të marrë në pyetje kryebashkiakun e Tiranës,, Erion Veliaj dhe inceneratori i Tiranës të mos rrijë në hetim paraprak
“SPAK-u duhet të marrë në pyetje Erion Veliajt për inceneratorin e Tiranës, të mos e mbajë çështjen në hetim paraprak.
SPAK-u duhët të thërrasë kompaninë në qoftë se nuk përgjigjet Klodian Zoto, të shkojë në inceneratorin e Tiranës të verifikojë investimin që është bërë atje.
Madje nuk ka nevojë të shkojë, pasi SPAK-u ka mundësi financiare për të marrë dron. Me dron e nxjerr volumin e punës, sa beton ka, sa hekur ka, sa dhe’ ka”, tha Kryemadhi.
Ajo shtoi gjithashtu se ka marrë një përgjigje nga Prokuroria e Posaçme në lidhje me denoncimin e bërë për inceneratorin e Tiranës, ku thuhet se organi i akuzës është ende në një hetim paraprak.
“Unë këtë punë kam tani. Unë kam besim te SPAK-, përderisa kam besim unë kam hedh firmën dhe kam bërë një padi. Është SPAK-u në provë në këtë rast. Unë përderisa kam bërë një padi dhe nuk më denoncon njeri për kallëzim të rremë do të thotë që i kam të sakta.
Unë ja kam bërë shumë të qartë SPAK-ut me të gjitha informacionet që i kam çuar. SPAK-u evazionin fiskal të Klodian Zotos e ka që në 9 nëntor me fatura me të gjitha. Në vijim të asaj do t’i bashkangjisë shtesë padie këto 24 kompanitë e tjera.
I kam dërguar dy herë letër dhe thonë që jemi në hetim paraprak për inceneratorët. Ka një vit e gjysmë që e kam denoncuar dhe janë në hetim paraprak akoma”, tha Kryemadhi.
