Mbrëmjen e djeshme, në Fan mbeti i plagosur me armë zjarri shtetasi Martin Prenga.
Pas ngjarjes është arrestuar autori i dyshuar i plagosjes dhe u procedua në gjendje të lirë vëllai i tij, i cili e ndihmoi të largohej nga vendi i ngjarjes.
Ështëm sekuestruar gjithashtu ehdhe arma e zjarrit pistoletë e dyshuar e përdorur për plagosjen.
Për ngjarjen ka reaguar edhe Policia e cila ka bërë të mundur zbardhjen dhe dokumentimin e ngjarjes së ndodhur.
Sipas Policisë, në autostradën Rrëshen-Kukës, në Fan, Mirditë, shtetasi Florja Gjoka ka tentuar të vrasë me armë zjarri shtetasin Martin Prenga., i cili si pasojë ka marrë plagë në këmbë dhe ndodhet në Spitalin e Traumës, jashtë rrezikut për jetën.
Pas ngjarjes, shtetasi A. Gjoka. e ka ndihmuar vëllanë e tij, shtetasin Florja Gjoka. që të largohet nga vendi i ngjarjes dhe të fshihet.
Materialet procedurale iu referuan Prokurorisë pranë Gjykatës së Shkallës së Parë Lezhë, për veprime të mëtejshme, për veprat penale “Vrasja me paramendim” e mbetur në tentativë dhe “Prodhimi dhe mbajtja pa leje e armëve luftarake dhe municionit”, në ngarkim të shtetasit Florja Gjoka., dhe “Përkrahja e autorit të krimit”, në ngarkim të shtetasit A. Gjoka.
