Me debate u shoqërua mbledhja e sotme e Këshillit Bashkiak të Tiranës, mes kryebashkiakut Erion Veliaj dhe këshilltarëve demokratë. Këta të fundit, kanë braktisur mbledhjen e këshillit pasi hodhën disa akuza ndaj Veliajt dhe qeverisë në pushtet.
Veliaj: Tetë vite në pushtet nuk dhatë një batanije, një pjatë supë. Nuk i shërbyet një njeriu.
Në këtë moment, anëtari demokrat i këshillit bashkiak demokrat, Fabian Topallaj i hedh një grumbull me dokumente kryebashkiakut Veliaj.
Veliaj: Ajo që hodhët këtu janë kreditë e buta. Hodhët bursat, ne do t’i japim. Hodhët banesat sociale, ne do t’i japim.
Më pas, këshilltar Topallaj i rrëmben mikrofonin Veliaj dhe deklaron: Rrini me hajdutëritë tuaja. Qytetarët janë në shesh. Ju dhe hajdutët janë këtu.
Veliaj: Vazhdojmë…. Rruga e mbarë!
Pas kësaj këshilltarët e opozitës largohen nga mbledhja e këshillit bashkiak.
Kurse kreu i grupit të këshilltarëve demokratë, Leonard Olli e konsideroi provokim deklaratën e kryebashkiakut Veliaj për zhvendosjen e çadrës së protestës së opozitës.
Olli: Kryetari i bashkisë provokoi protestuesit. Kërkoni falje z.Veliaj. provokimi është i ulët. Ju zutë bulevardin para disa viteve.
