Një 49-vjeçar u arrestua nga Policia e Gjirokastrës pasi ai është denoncuar nga partnerja e tij me të cilën bashkëjetonte.
Burri akuzohet se ushtronte dhunë ndaj bashkëjetueses por edhe djalit të saj të mitur.
“Specialistët e Seksionit për Hetimin e Krimeve në Komisariatin e Policisë Gjirokastër arrestuan në flagrancë shtetasin K. R., 49 vjeç, banues në Gjirokastër, pasi në banesën e tij, në lagjen “Punëtori”, Gjirokastër, ka ushtruar dhunë fizike ndaj bashkëjetueses së tij dhe ndaj djalit të saj të mitur”, tha policia.
Materialet në ngarkim të shtetasit K. R. i kaluan Prokurorisë pranë Gjykatës së Shkallës së Parë Gjirokastër, për veprën penale “Dhuna në familje”.
