Këngëtari amerikan, R.Kelly, është dënuar me 30 vjet burg. Kundër tij rëndonin 9 akuza, përfshirë krimet seksuale dhe trafikimin e qenieve njerëzore.
55-vjeçari, ditën e sotme ishte i pranishëm në sallën e gjyqit federal në Brooklyn ku gjykatësi Ann M. Donnelly njoftoi verdiktin.
Këngëtari i njohur për këngët hit “I Belive I Can Fly” dhe “Ignition” (Remix) – u zbulua se ishte drejtuesi i një skeme të dhunshme për të joshur gratë dhe fëmijët që ai të abuzonte seksualisht me to.
Gjyqi gjashtë-javor dëgjoi se si ai trafikonte gra midis shteteve të ndryshme të SHBA-së, i ndihmuar nga menaxherët, rojet e sigurisë dhe anëtarët e tjerë të rrethimit, gjatë dy dekadave.
Prokurorët thanë se R. Kelly – emri i vërtetë i të cilit është Robert Sylvester Kelly – tregoi një “mospërfillje” për viktimat e tij dhe nuk shfaqi asnjë lloj pendese.
Gjykata dëgjoi gjithashtu se si Kelly kishte marrë dokumente të paligjshme për t’u martuar me këngëtaren Aaliyah kur ajo ishte 15 vjeç në 1994, shtatë vjet para se këngëtarja të vdiste në një aksident avioni.
Certifikata, e zbuluar në atë kohë, tregonte moshën e Aaliyah si 18 vjeç. Martesa u anulua muaj më vonë.
R&B singer R. Kelly sentenced to 30 years in prison following his conviction on federal racketeering and sex trafficking charges. https://t.co/fFXKhZUfsA
— CNN (@CNN) June 29, 2022
