Protesta e 7 korrikut duket se po bashkon deputetët kritikë ndaj Sali Berishës apo ato që kanë zgjedhur të qëndrojnë neutralë, me vijën zyrtare të Partisë Demokratike, që drejtohet nga ish-Kryeministri.
Në njoftimin e bërë nga PD-ja e qarkut të Fierit bie në sy që të gjithë deputetët demokratë do të marrin pjesë në protestën e thirrur nga ish-kryeministri Sali Berisha të enjten e javës së ardhshme.
I vetmi që mungon nga PD-ja në qarkun Fierit është deputeti Enkelejd Alibeaj. Ky i fundit u emërua nga Lulzim Basha në ditët e fundit të vitit 2021 si drejtues politik në Qarkun e Fierit, krahas 6 apo 7 funksioneve të tjera që iu dhanë, përfshi edhe atë të kryetarit të komanduar.
Njoftimi i PD-së.
“Bazuar në vendimin nr.25 të Kryesisë së PDSH-së datë 28.6.2022 për Grupet e Punës për organizimin e protestës së 7 korrikut 2022 po ju nisim Grupin e Punës për Qarkun Fier.
Kryetari i Grupit të Punës: Luan Baçi
Grupi i punës:
Ivi Kaso
Ilda Dhori
Eralda Bano (Tase)
Saimir Korreshi
Emiljano Mone
Ibrahim Morina
Myslym Murrizi
Elton Bano”
