Bojkot seancave gjyqësore pa afat dhe bojkot 10 ditor për masat e sigurisë. Është ky vendimi i marrë sot pas një mbledhjeje që zgjeti 3 orë nga Këshilli i Përgjithshëm i Dhomës së Avokatisë së Shqipërisë.
Në kushtet kur harta e re gjyqësore po merr miratimin e disa prej institucioneve, ndërsa miratimi përfundimtar i saj varet nga Këshilli i Ministrave, avokatët po përshkallëzojnë protestat, duke kundërshtuar hartën e propozuar.
Harta e re gjyqësore ka marrë miratimin e KLGJ, Prokurorit të Përgjithshëm dhe KLP, ndërkohë që avokatët pretendojnë se nuk janë marrë parasysh kërkesat e tyre, ndërsa prej disa javësh po zhvillojnë forma të ndryshme protestash.
Më herët, Komiteti Drejtues i Dhomës së Avokatisë, ka konstatuar se harta e re gjyqësore cënon dhe kufizon rëndë aksesin në drejtesi të individit si dhe procesin e realizimit të mbrojtjes ne ceshtjet penale, civile dhe administrative.
Gjithashtu, thuhet se u injoruan haptazi gjithë problematikat dhe argumentet e parashtruara nga ana e Organeve drejtuese të Dhomës Qendrore dhe atyre vendore gjatë procesit të diskutimit te draftit në shkallë vendi, fakt i cili tregoi qartë formalitetin, paragjykimin dhe abuzivitetit në mosmarrjen në konsideratë të mendimit të grupeve të interesit, përfshirë Dhomën e Avokatisë të Shqipërisë si një nga aktorët kryesor në procesin e dhënies së drejtësisë.
Njoftimi
Keshilli i Pergjithshem i Dhomes se Avokatise se Shqiperise, pas nje mbledhje prej me shume se 3 oresh, vendosi qe qe nga dita e neserme:
– Te bojkotohen te gjitha seancat gjyqesore pa afat; dhe
– Te bojoktohen masat e sigurise per 10 dite.
Ky eshte vendimi i duhur qe zeri i nje komuniteti kaq te rendesishem, si ai i avokateve, te mos shkoje ne vesh te shurdher.
