Mijëra qytetarë janë mbledhur këtë të shtunë përpara Kryeministrisë, në vijim të protestave që po zhvillohen prej ditësh në kryeqytet kundër qeverisë.
Tubimi është shoqëruar me forma të ndryshme proteste, ku qytetarët kanë përdorur pankarta kreative dhe mesazhe të projektuara në fasadën e godinës qeveritare.
Në muret e ndërtesës janë shfaqur slogane si “Albania is not for sale”.
Protestuesit kanë vijuar gjithashtu me thirrje të drejtpërdrejta kundër kryeministrit Edi Rama, duke kërkuar largimin e tij nga detyra dhe duke artikuluar mesazhe të forta politike gjatë gjithë tubimit.
