Bashkimi Europian ka shpallur emërimet e 33 ambasadorëve të rinj dhe 7 zëvendëskryetarëve të delegacioneve në mbarë botën, në një vendim të njoftuar nga Përfaqësuesja e Lartë për Politikën e Jashtme dhe Sigurinë, Kaja Kallas.
Për Shqipërinë, është propozuar si ambasadore e re e BE-së Sofia Moreira de Sousa, e cila pritet të zëvendësojë Silvio Gonzaton.
Emërimi i saj do të bëhet zyrtar pasi të merret miratimi i vendit pritës dhe të përfundojnë procedurat administrative të rotacionit diplomatik të Bashkimit Europian për vitin 2026.
Moreira de Sousa ka një karrierë të gjatë brenda institucioneve europiane. Ajo ka shërbyer më herët edhe si ambasadore e BE-së në Cabo Verde, ndërsa aktualisht drejton përfaqësinë e Komisionit Europian në Portugali.
Në paketën e re të emërimeve përfshihen edhe disa poste kyçe në vende dhe organizata të ndryshme, përfshirë Afganistanin, Kinën, Indinë, Japoninë, Mbretërinë e Bashkuar, Rusinë, si dhe rajone strategjike në Afrikë, Azi dhe Amerikë Latine.
Po ashtu, janë bërë edhe emërime të reja në drejtimin e Shërbimit Evropian të Veprimit të Jashtëm (EEAS), ku Dominic Porter është caktuar zëvendësdrejtor për Azinë dhe Paqësorin, ndërsa Francesca Di Mauro është emëruar zëvendësdrejtore për Afrikën.
Disa nga emërimet kryesore të ambasadorëve të BE-së:
Afganistan – Nicola Bellomo
Shqipëria – Sofia Moreira de Sousa (aktualisht drejtuese e përfaqësisë së Komisionit Europian në Portugali)
ASEAN – Marina Rafti
Australia – Lawrence Meredith
Botswana dhe SADC – Belén Calvo Uyarra
Brazili – Francisco André
Burundi – Alessandro Villa
Kameruni – Veronika Bošković Pohar
Kina – Caspar Veldkamp (ish-Ministër i Jashtëm i Holandës)
Këshilli i Europës – Alexandre Stutzmann
Republika Demokratike e Kongos – Douglas Carpenter
India – Jean-Eric Paquet
Indonezia – Hervé Delphin
Japonia – Pier Giorgio Federico Aliberti
Kenia – Andreas Peschke
Libia – Alexis Konstantopoulos
Meksika – Belén Martínez Carbonell
Mozambiku – Francisco Fontan Pardo
Nepali – Charles Whiteley
Zelanda e Re – Lucie Samcová
Nikaragua – Charles-Michel Geurts
Norvegjia – Peter Van Kemseke
Panamaja – Andrea Matteo Fontana
Katari – Antonino Maggiore
Rusia – Malena Mård
Ruanda – Jérémie Blin
Senegali – Aude Maio-Coliche
Afrika e Jugut – Kristian Schmidt
Sri Lanka – Sylvia Hartleif
Tanzania – Jean-Marc Pisani
Turkmenistani – Luc Devigne
Mbretëria e Bashkuar – Jukka Salovaara
Për Bregun Perëndimor, Gazën dhe UNRWA, është emëruar Andreas Fiedler si përfaqësues i BE-së.
Gjithashtu janë emëruar edhe zëvendëskryetarë delegacionesh në disa vende, përfshirë Barbadosin, Côte d’Ivoire, Kosovën, Senegalin, Serbinë, Tajlandën dhe organizata ndërkombëtare si OKB/IAEA/OSBE.
Emërime të reja në drejtimin e EEAS
Dominic Porter është emëruar Zëvendësdrejtor për Azinë dhe Paqësorin. Ai ka mbajtur më parë poste drejtuese për Kinën dhe çështjet ekonomike globale në EEAS.
Francesca Di Mauro është emëruar Zëvendësdrejtore për Afrikën. Aktualisht ambasadore e BE-së në Somali, ajo ka shërbyer edhe në Bregun e Fildishtë.
