Një grabitje me armë ka ndodhur sot në Kamëz teksa dy persona ende të paidentifikuar kanë hyrë në ambientet e një argjendarie.
Sipas informacioneve paraprake, dyshohet se autorët, njëri prej tyre me armë zjarri, kanë hyrë në ambientet e argjendarisë në pronësi të shtetasit me iniciale O. L, dhe kanë marrë një sasi bizhuterish.
Pasi kanë kryer vjedhjen të dy ata janë arratisur, ndërsa në vendngjarje kanë shkuar shërbimet e Policisë, të cilat kanë ngritur pika kontrolli dhe po kryejnë kontrolle të zonës.
Njoftimi:
Më datë 16.05.2026, rreth orës 13:00, në Kamëz, dy shtetas ende të paidentifikuar, dyshohet se njëri prej tyre me një send në dukje armë zjarri, kanë hyrë në ambientet e argjendarisë në pronësi të shtetasit O. L, dhe kanë marrë një sasi bizhuterish.
Menjëherë pas marrjes së njoftimit, në vendngjarje kanë shkuar shërbimet e Policisë, të cilat kanë ngritur pika kontrolli dhe po kryejnë kontrolle të zonës.
Grupi hetimor, po punon për fiksimin e çdo prove që do të çojë në identifikimin e autorëve dhe kapjen e tyre dhe dokumentimin e plotë të rastit.
