Gjykata e Posaçme kundër Korrupsionit dhe Krimit të Organizuar ka ndarë çështjen për të pandehurit në dosjen ndaj Ilir Metës dhe Monika Kryemadhit.
Pas përfundimit të seancës rreth orës 17:15, mësohet se për Fatime Kryemadhin, Pirro Xhixhon dhe Ema Çokun është pranuar kërkesa për gjykim të shkurtuar, ndërsa çështja e tyre do të hidhet në short për trupin gjykues.
Ndërkohë, dosja ndaj Ilir Metës dhe Monika Kryemadhit do të vijojë veçmas.
Pas daljes nga seanca, Monika Kryemadhi deklaroi për mediat se gjatë procesit nuk pati tensione.
“Nuk kishte tensione, i vetmi tension ishte që filloi të na pikonte kondicioneri te salla e re”, u shpreh ajo me ironi.
